News

በተባበሩት ዓረብ ኤሚሬቶች በዱባይ በእስር ላይ የሚገኙ ዜጎችን ወደ ሀገራቸው ለመመለስ እንደሚሰራ የኢትዮጵያ ዳያስፖራ ኤጀንሲ አስታወቀ

በተባበሩት ዓረብ ኤሚሬቶች በዱባይ በእስር ላይ የሚገኙ ዜጎችን ወደ ሀገራቸው ለመመለስ እንደሚሰራ የኢትዮጵያ ዳያስፖራ አጄንሲ አስታወቀ

አዲስ አበባ፣መጋቢት 12፣2011 (ኤፍ.ቢ.ሲ) የኢትዮጵያ ዳያስፖራ አጄንሲ በተባበሩት ዓረብ ኤሚሬቶች በዱባይ በእስር ላይ የሚገኙ ዜጎችን ወደ ሀገራቸው ለመመለስ እንደሚሰራ አስታወቀ።

የኢትዮጵያ ዳያስፖራ ኤጂንሲ የስራ ሃላፊዎች በዛሬው ዕለት በዱባይና አካባቢው ከሚገኙ ኢትዮያውያን እስረኞች ጋር ተወያይተዋል።

በዚህ ወቅትም የኤጄንሲው ዳይሬክተር ወይዘሮ ሰላማዊት ዳዊት ኤጄንሲው የእያንዳንዱን ዜጋ ችግር በተናጠል በመመልከት ለመፍትሄ የሚሰራ መሆኑን ተናግረዋል።

በማራሚያ ቤቱ 44 ኢትዮጵያውያን የሚገኙ መሆኑን የጠቀሱት ዳይሬክተሯ፥ በእስረኞች ጉዳይም ከማረሚያ ቤቱ ሃላፊ ብርጋዲየር አሊ መሃመድ አል ሻማራ ጋር መወያየታቸውን አንስተዋል።

አብዛኞቹ አስረኞች ከቪዛ እና ሰነድ መጓደል ጋር በተያያያዘ በቁጥጥር ስር መዋላቸውን የገለፁት ወይዘሮ ሰላማዊት፥ ኢትዮጵያውያኑ አስፈላጊውን ሰነድ በሟሟላት ከእስር ሊወጡ እንደሚችሉ ጠቁመዋል።

በተለያዩ ሀገራት የሚገኙ ዜጎችን ደህንነት ለመጠበቅም በሁሉም ቆንስላ ፅህፈት ቤቶች የህግ ባለሙያ የሚመደብ መሆኑን ዳይሬክተሯ ተናግረዋል።

የሚመደበው ባለሙያም ከዚህ በፊት ዜጎች ጠበቃ መቅጠር አቅቷቸው ይገጥማቸው የነበረውን ችግር ለመቅረፍ የሚያስችል ነው ተብሏል።

የሚመደበው የህግ ባለሙያም በተመደበበት ሀገር የዜጎችን የህግና ተያያዥ ጉዳዮች የሚከታተል መሆኑ ነው የተገለፀው።