News

Previous Next

በእንግሊዝ የኢትዮጵያ ኤምባሲ በሃገሪቱ ከሚኖሩ ኢትዮጵያውያንና ትውልደ ኢትዮጵያውያን ጋር በወቅታዊ ጉዳዮች ላይ የበይነ መረብ ውይይት ባደረገበት ወቅት ከተሳታፊዎች ብቻ ከ1.3 ሚሊዮን ብር በላይ ተሰበሰበ።

በወቅቱም በእንግሊዝ የኢትዮጵያ ኤምባሲ ባለሙሉ ስልጣን አምባሳደር ክቡር ተፈሪ መለስ ባስተላለፉት መልዕክት ለመከላከያ ሰራዊታችን ድጋፍ ማድረግ እንዲቻል መድረኩ እንዲዘጋጅ ለሰሩ ኢትዮጵያውያንና ትውልደ ኢትዮጵያውያን ምስጋናቸውን አቅርበው፣ የተጀመረው ድጋፍ ተጠናክሮ እንዲቀጥል ጥሪ አቅርበዋል።
የኢትዮጵያ ዳያስፖራ ኤጀንሲ ዋና ዳይሬክተር ክብርት ወ/ሮ ሰላማዊት ዳዊትም በበኩላቸው ወቅቱ ሁላችንም ልዩነቶቻችንን ወደ ጎን ትተን በአንድነት ለሃገራዊ ጥቅሞቻችን በጋራ የምንቆምበት መሆኑን አንስተው፣ ዳያስፖራው ለሃገራዊ ፕሮጀክቶችም ሆነ ለልዩ ልዩ ሃገራዊ ጥሪዎች እየሰጠ ስላለው ፈጣን ምላሽ ምስጋናቸውን አቅርበዋል።
በመድረኩ የተሳተፉ ኢትዮጵያውያንና ትውልደ ኢትዮጵያውያንም ከሁሉም ነገር በፊት ለሃጋራዊ ጥቅሞቻችን መከበር በጋራ ለመቆምና የሚጠበቅባቸውን ማንኛውንም አይነት አስተዋጽኦ ለማበርከት ዝግጁ መሆናቸውን ገልጸዋል።