News

Previous Next

የኢትዮጵያ ዳያስፖራ ኤጀንሲ በሰሜን አሜሪካ ክላስተር ስር ከሚገኙ ሚሲዮኖች ጋር ውይይት አደረገ

የኢትዮጵያ ዳያስፖራ ኤጀንሲ በሰሜን አሜሪካ ክላስተር ስር ከሚገኙ የዋሽንግተን፣ የኦታዋ፣ የሎስአንጀለስ፣ የኒውዮርክና የሚኒሶታ ሚሲዮኖች ጋር በክላስተሩ የዳያስፖራ ተሳትፎን ማሳደግ በሚቻልበት ሁኔታ ላይ ውይይት አደረገ።
በመድረኩም ዳያስፖራው ለሃገራዊ ፕሮጀክቶች እየሰጠ ያለው ድጋፍ፣ የዳያስፖራ ዲፕሎማቶች የዳያስፖራ ተሳትፎን ለማሳደግ እያደረጉ ያሉት እንቅስቃሴ፣ ክላስተሩ ባለፉት ሶስት ወራት ያከናወናቸው ዋና ዋና ስራዎች እንዲሁም ያጋጠሙ ችግሮችና መፍትሔዎቻቸው ላይ ሰፋ ያለ ውይይት ተደርጓል። በሚቀጥሉት ጊዜያትም ክላስተሩ በተመደበለት አስተባባሪ አማካኝነት በተጠናከረ ሁኔታ ስራዎችን ማከናወን እንዳለበትም መግባባት ላይ ተደርሷል።
መድረኩ በኢትዮጵያ ዳያስፖራ ኤጀንሲ ዋና ዳይሬክተር ክብርት ወ/ሮ ሰለዓማዊት ዳዊትና በምክትል ዋና ዳይሬክተሩ ክቡር አቶ መሐመድ እንድሪስ የተመራ ሲሆን፣ በክላስተሩ የሚገኙ አምስት ክቡራን የሚሲዮን መሪዎችና የዳያስፖራ ጉዳይ አስተባባሪዎች ተሳትፈውበታል።