News

Previous Next

ለመከላከያ ሠራዊቱ እየተደረገ ያለውን ድጋፍ በተቀናጀ ሁኔታ ለማስተናገድ እንዲቻል የኢትዮጵያ ዳያስፖራ ኤጀንሲን ጨምሮ የተለያዩ የፌዴራል ተቋማትን ያሳተፈ ብሔራዊ ኮሚቴ ተቋቋመ

ህገ ወጡ የህወሃት ቡድን በማካሄድ ላይ ያለውን ሃገር የማፍረስ ስራ ለመመከት የህግ ማስከበር እርምጃ እየወሰደ የሚገኘውን ጀግናው የመከላከያ ሰራዊታችንን ለመደገፍ የሃብት ማሰባሰብ ስራ የሚያስተባብር ብሄራዊ ኮሚቴ ተቋቋመ።
የኮሚቴው ሰብሳቢና የሰላም ሚኒስትሯ ክብርት ወ/ሮ ሙፈሪሃት ካሚል የመከላከያ ሰራዊታችን በህገ ወጡ የህወሃት ቡድን ላይ እያካሄደ ያለውን ህግ የማስከበር ስራ በመደገፍ መላው የኢትዮጵያ ህዝብ ፍቅሩንና አክብሮቱን በመግለጽ ላይ መሆኑን አንስተው ችግሩ እስኪወገድ ድረስ ድጋፉን በተጠናከረና ወጥ በሆነ መልኩ በአግባቡ ለማስተናገድ እንዲቻል የተለያዩ የፌዴራል ተቋማትን በማሳተፍ ብሄራዊ የሃብት አሰባሳቢ ኮሚቴ ተቋቁሞ ስራ መጀመሩን ገልጸዋል፡፡
በወቅቱም የኢትዮጵያ ዳያስፖራ ኤጀንሲ ዋና ዳይሬክተር ክብርት ወ/ሮ ሰላማዊት ዳዊት በዳያስፖራው በኩል የሚታየውን ድጋፍ የማድረግ ፍላጎትና ጥያቄዎች ያቀረቡ ሲሆን፣ ከኢትዮጵያውያንና ትውልደ ኢትዮጵያውያን የሃብት ማሰባሰቡን ስራ እንዲያስተባበርም ለኤጀንሲው ሃላፊነት እንደተሰጠው ለማወቅ ተችሏል።