News

Previous Next

በአውስትራሊያ የኢትዮጵያውያን ተመራማሪዎች ቡድን አስተባባሪነት "ኢትዮጵያና ኮቪድ - 19 መረጃ ለትግበራ" በሚል ርዕስ የቪዲዮ ኮንፈረንስ ውይይት ተካሄደ።

በውይይቱም በተመራማሪዎቹ ቡድን የተከናወኑ የአራት ጥናቶች ግኝቶችና ምክረ ሃሳቦች በየተራ የቀረቡ ሲሆን፣ ከተሳታፊዎችም የተለያዩ ጥያቄዎች ቀርበው ምላሽ ተሰጥቶባቸዋል።

በወቅቱም የኢትዮጵያ ሳይንስና ከፍተኛ ትምህርት ሚኒስቴር ሚኒስትር ደኤታ ፕሮፌሰር አፈወርቅ ካሡ ባስተላለፉት መልዕክት ተመራማሪዎቹ ርቀት ሳይገድባቸው የሚያደርጓቸው አስተዋፅዖዎች ለኢትዮጵያ እጅግ ከፍተኛ እንደሆኑ በመግለጽ ምሥጋናቸውን አቅርበዋል። በአውስትራሊያ የኢትዮጵያውያን ተመራማሪዎች ቡድን አስተባባሪና የውይይት መድረኩ መሪ ተባባሪ ፕሮፌሰር ዮሐንስ ክንፉም በበኩላቸው የተመራማሪዎቹ "ዕውቀታችንንና ልምዳችንን ብናሰባስብ አገራችንን ልንረዳ እንችላለን" በሚል መሰባሰብ እንደጀመሩና ከተከታታይ ስብሰባዎች በኋላም ይህንን መድረክ ለማዘጋጀት እንደበቁ፤ ለፖሊሲና ለትግበራ ግብዓት የሚሆኑ አስተዋፅዖዎችን ከማበርከት ደረጃ ላይ እንደደረሱም ተናግረዋል።

በውይይቱ ላይ በአውስትራሊያ የኢትዮጵያ ኤምባሲም ተጠባባቂ ሚሲዮን መሪን ጨምሮ ከ350 በላይ ተጋባዥ እንግዶች መታደማቸውን የዘገበው ኤስ.ቢ.ኤስ. ሬዲዮ ነው።