News

Previous Next

የውጭ ጉዳይ ሚኒስትር ዴኤታ ክብርት አምባሳደር ብርቱካን አያና እና የኢትዮጵያ ዳያስፖራ ኤጀንሲ ዋና ዳይሬክተር ክብርት ወ/ሮ ሰላማዊት ዳዊት በሎሳንጀለስ ከሚኖሩ የኢትዮጵያ ማህበረሰብ አባላት ጋር የቪዲዮ ኮንፈረንስ ውይይት አደረጉ፡፡

በውይይቱ ላይ በሎሳንጀለስ የኮቪድ -19 መከላከል ግብረ ሃይል አባላት የሆኑ የሃይማኖት አባቶች፣ የማህበረሰብ መሪዎች፣ ታዋቂ ግለሰቦችና ምሁራን ተሳትፈዋል፡፡ በወቅቱ በብሄራዊ የሃብት አሰባሰብ ኮሚቴ እየተከናወኑ ያሉ ተግባራት በስራ ሃላፊዎቹ በዝርዝር የቀረቡ ሲሆን፣ ተሳታፊዎችም በቀረበው ሪፖርት ላይ በመመስረት ጥያቄዎችና አስተያየቶችን ሰንዝረዋል፤ በስራ ሃላፊዎቹም ምላሽና ማብራሪያዎች ተሰጥቶባቸዋል፡፡

ከዚህም በተጨማሪ በውይይቱ ወቅት በተሳታፊዎች ከተነሱ ሃሳቦች መካከል ዳያስፖራውና መንግስት ይበልጥ ተቀራርበው መስራት እንዳለባቸው፣ በሽታውን ለመከላከል በመንግስት የተሰጠው ትኩረትና ቅንጅታዊ አሰራሩ የሚደነቅና ውጤትም እያሳየ መሆኑ የሚጠቀሱ ናቸው፡፡

በመጨረሻም የስራ ሃላፊዎቹ ዳያስፖራው በዚህ አስቸጋሪ ወቅት ልዩነቶችን ወደ ጎን ትቶ በጋራ ለመንቀሳቀስ ለሚያደርገው ጥረት ያላቸውን ምስጋና አቅርበው የተጀመረው ድጋፍ ተጠናክሮ መቀጠል እንዳለበት አሳስበዋል፡፡