News

Previous Next

ጠቅላይ ሚኒስትር ዶ/ር አብይ አህመድ በመካከለኛው ምስራቅ ሀገራት ከሚኖሩ ኢትዮጵያውያን ጋር ለሚያደርጉት ውይይት የቅድመ ዝግጅት ስራዎች መጠናቀቃቸው ተገለጸ

 

  

ጠቅላይ ሚኒስትር / አብይ አህመድ በየካቲት ወር የመጀመሪያ ሳምንት በተባበሩት አረብ ኤምሬትስ በዱባይ ከተማ በመዘጋጀት ላይ በሚገኘው መድረክ ላይ በመገኘት ከመካከለኛው ምስራቅ አገሮች ከተወጣጡ ኢትዮጵያዊያንና ትውልደ ኢትዮጵያዊያን ጋር ለሚያደርጉት ውይይት የቅድመ ዝግጅት ስራዎች መጠናቀቃቸውን በተባበሩት አረብ ኤምሬትስ የኢትዮጵያ ኤምባሲ ገለጸ፡፡


ከየካቲት 5
ቀን 2012 እስከ የካቲት 7 ቀን 2012 ድረስ በሚቆየው በዚህ የኢትዮጵያዊያንና ትውልደ ኢትዮጵያዊያን ስብስቦች መድረክ ላይ ከሳዑዲ አረቢያ፣ ከሊባኖስ፣ ከኩዌት፣ ከኦማን፣ ከኳታር እና ከባህሬን የተውጣጡ ኢትዮጵያዊያንና ትውልደ ኢትዮጵያዊያን ይሳተፋሉ ተብሎ ይጠበቃል፡፡ በመድረኩም በተለያዩ ሃገራዊ ጉዳዮች እንዲሁም ዜጎቻችን በየሚኖሩባቸው ሃገራት መብትና ክብራቸው ተጠብቆ እየኖሩ በሀገራቸው ውስጥ በመካሄድ ላይ በሚገኘው የለውጥ ሂደት ተሳታፊ ሊሆኑ በሚችሉበት ሁኔታ ላይ ውይይት ይደረጋል፡፡  


ህዝባዊ መድረኩ ስኬታማ ይሆን ዘንድ በኢትዮጵያ ዳያስፖራ ኤጀንሲ አስተባባሪነት በተባበሩት አረብ ኤምሬቶች የሚገኙ የአቡዳቢ ኢትዮጵያ ኤምባሲና የዱባይ ቆንስላ /ቤት የተለያዩ አደረጃጀቶችን በመፍጠር ሰፊዝግጅት ሥራዎች እያደረጉ የሚገኙ ሲሆን፣ በእነዚህ አደረጃጀቶች ውስጥ በመቶዎች የሚቆጠሩ ኢትዮጵያዊያንና ትውልደ ኢትዮጵያዊያን የዝግጅቱ አካል ሆነው በመሥራት ላይ ናቸው፡፡

ከዚህም ጋር በተያያዘ የወጣቶች፣ የሴቶች፣ የሙያና የልማት ማህበራት እንዲሁም የሃይማኖት ተቋማት ከፍተኛ ተሳትፎ በማድረግ ላይ መሆናቸው የተገለጸ ሲሆን፣ በአደረጃጀቶቹ ውስጥ በመንቀሳቀስ ላይ የሚገኙ ኢትዮጵያዊያን ከመቼውም በላይ አንድነታቸውን አጠናክረው በጋራ በመሥራት ላይ የሚገኙ መሆኑም ታውቋል።