News

Previous Next

የኢትዮጵያ ዳያስፖራ ኤጀንሲ ዋና ዳይሬክተር ከዱባይና ሰሜን ኤምሬቶች ኮሚኒቲ አደረጃጀቶች ጋር ተወያዩ

ክብርት / ሰላማዊት ዳዊት የኢትዮጵያ ዳያስፖራ ኤጀንሲ ዋና ዳይሬክተር በዛሬው ዕለት ጥር 15 ቀን 2012 . በዱባይና ሰሜን ኤምሬቶች ከሚገኙ የኢትዮጵያዊያን ኮሚኒቲ ቦርድ አባላት፣ ከልማት ማህበራት አባላት፣ ከሃይማኖት አባቶች ከሴቶች አደረጃጀቶችና ከኮሚኒቲ ምርጫ አስፈጻሚ ኮሚቴ አባላት ጋር ውይይት አድርገዋል።

በውይይቱም በመካከለኛው ምስራቅ በኤምባሲዎችና በቆንስላ /ቤቶች የበላይ ጠባቂነት በኢትዮጵያዊያን የተመሰረቱ የኮሚኒቲ ማህበራት ዜጎችን በመርዳት ለሚያደርጉት እንቅስቃሴ ኤጀንሲው ድጋፍ እንደሚያደርግ ገልጸዋል። በዱባይና ሰሜን ኤምሬቶች የኢፌዲሪ ቆንስል ጄኔራል ክብርት / ኢየሩሳሌም አምደማሪያም በበኩላቸው ቆንስላ /ቤቱ አሁን ያለው የኮሚኒቲ አመራር ቦርድ የስራ ጊዜውን የጨረሰ በመሆኑ የኮሚኒቲ ምርጫ ለማካሄድ እየሰራ መሆኑን ገልጸዋል። በማስከተልም የተለያዩ የማህበረሰብ አደረጃጀቶች የተወከሉበት የምርጫ አዘጋጅ ኮሚቴ እና የኮሚኒቲ ቦርድ አመራር አባላት ሂደቱ የደረሰበትን ደረጃ ያብራሩ ሲሆን፣ የውይይቱ ተሳታፊዎች ቀጣዩ ምርጫ የተሳካ እንዲሆን የበኩላቸውን ሀሳብ አቅርበዋል።

በመጨረሻም ክብርት / ሰላማዊት ዳዊት ምርጫው የተሳካ እና አሳታፊ እንዲሆን ሁሉም የበኩሉን አስተዋጽኦ እንዲያበረክት ጥሪ ያቀረቡ ሲሆን የስብሰባው ተሳታፊዎች በዱባይና በሰሜን ኤምሬቶች የሚኖሩ ኢትዮጵያዊያን እና ትውልደ ኢትዮጵያዊያን መደገፍ በሚያስችለው መልኩ እንዲቋቋም እንደሚሰሩ ገልጸዋል።

ምንጭ:- የኢትዮጵያ ቆንስላ በዱበይና ሰሜን ኤምሬት