News

Previous Next

በደቡብ አፍሪካ የሚኖሩ ኢትዮጵያውያን የሚደርስባቸውን ችግር መፍታት የሚያስችል ምላሽ መገኘቱ ተገለጸ

በደቡብ አፍሪካ የሚኖሩ ኢትዮጵያውያን የሚደርስባቸውን ችግር መፍታት የሚያስችል አበረታች ምላሽ ከሀገሪቱ መንግስት መገኘቱ ተገለጸ።

ይህ የተገለጸው በደቡብ አፍሪካ ይፋዊ የስራ ጉብኝት በማድረግ ላይ የነበሩት / / ዐቢይ አህመድ ከሃገሪቱ ፕሬዝዳንት ጋር የሁለትዮሽ ግንኙነት ማድረጋቸውን ተከትሎ ነው። በውይይቱ ወቅት / / ዐቢይ አህመድ በደቡብ አፍሪካ በሚኖሩ ኢትዮጵያውን ዜጎች ጉዳይ ዙሪያ ከሀገሪቱ ፕሬዚዳንት ሲሪል ራማፎሳ ጋር የመከሩ ሲሆን፣ ኢትዮጵያ ለቀድሞው የደቡብ አፍሪካ የነጻነት ታጋይ ኔልሰን ማንዴላ ያደረገችውን ልዩ ድጋፍ በማስታወስ፣ በሀገሪቱ የሚኖሩ ኢትዮጵያውያንም ሁለንተናዊ መብታቸው ተከብሮ መኖር እንዲችሉ ሕጋዊ የመኖሪያ ፈቃድ እንዲሰጣቸው ለፕሬዚዳንቱ ጥያቄ አቅርበው ተቀባይነት አግኝተዋል። በተጨማሪም በተደረገው ውይይት በሀገሪቱ የሚኖሩ ኢትዮጵያውያን የሚደርስባቸውን ችግር ለመፍታት የሀገሪቱ መንግስት አበረታች ምላሽ ከመስጠቱም በላይ በውጭ ጉዳይ መስሪያ ቤቱ በኩል ኮሚቴ አቋቁሞ በኢትዮጵያውያን ላይ የሚደርስን ማንኛውም ችግር በማጣራት እርምጃ እንደሚወስድ አሳውቋል። ከዚህ ባለፈም የኢትዮጵያ ኮሚዩኒቲ ተወካዮች ከሀገሪቱ ፕሬዚዳንት ሲሪል ራማፎሳ ጋር በተለያዩ ጉዳዮች ዙሪያ የሚወያዩበት ቀጠሮ ተይዞላቸዋል።

ጠ/ሚ ዶ/ር ዐቢይ አህመድ ከሁለትዮሽ ውይይቱ አስቀድሞ በደቡብ አፍሪካ ከሚኖሩ የኢትዮጵያ ዳያስፖራ የንግድ፣ የሙያ የሀይማኖት ማህበረሰብ መሪዎችና ተወካዮች ጋር በልዩ ልዩ ጉዳዮች ላይ ውይይት አካሂደዋል። ከሁለትዮሽ ውይይቱ በኋላም  በጆሐንስበርግ ከተማ ኢምፔሪያል ዎንደረርስ ክሪኬት ስታዲየም በመገኘትም በሺዎች ለሚቆጠሩ ኢትዮጵያውያን መልዕክት አስተላልፈዋል። በዚህም ወቅት በደቡብ አፍሪከ የሚኖሩ ኢትዮጵያውያን በላባቸው ሰርተው የሚያድሩር ጠንካራ እና ሀገር ወዳድ ዜጎች መሆናቸው በሀገሪቱ ፕሬዚዳንት ጭምር የሚታወቅ መሆኑንም ጠቅሰዋል። ጠቅላይ ሚኒስትሩ አክለውም ኢትዮጵያውያን ያቋቋሙት የዳያስፖራ ማህበር በዜጎች አንድነት፣ መተሳሰብ እንዲሁም መተባበር ዙሪያ የሚያከናውነውን ተግባር ያደነቁ ሲሆን፣ ይህ ተሞክሮ በሌሎች ሀገራት ዳያስፖራዎች እንደ አርኣያ የሚወሰድ እንደሆነም አውስተዋል።

ጠቅላይ ሚኒስትር ዶ/ር ዐቢይ አሕመድ በአፍሪካ ሀገራት የነበራቸውን ጉብኝት አጠናቅቀው ማምሻውን ወደሃገራቸው መመለሳቸው ይታወቃል።