News

Previous Next

በዳያስፖራ ኢንቨስትመንትና ተሳትፎ ዙሪያ በጅግጅጋ ከተማ ውይይት ተካሄደ

የኢትዮጵያ ዳያስፖራ ኤጀንሲ፣ የሶማሌ ክልል መንግሥትና የክልሉ ዳያስፖራ አባላት በኢንቨስትመንትና ዳያስፖራ ተሳትፎ  ዙሪያ የተወያዩበት መድረክ በጅግጅጋ ከተማ መካሄዱ ተገለጸ።

 

የሶማሌ ክልል መንግሥት ከክልሉ ዳያስፖራ ኢንቨስተሮች ጋር በክልሉ ባሉ የኢንቨስትመንት እድሎችና በሚያጋጥሙ ችግሮች ላይ ዘላቂ መፍትሔ ለማበጀት በተዘጋጀው መድረክ ላይ የተገኙት የክልሉ ርዕሰ መስተዳድር አቶ መስጠፌ ሙሀመድ ባስተላለፉት መልዕክት የክልሉ ዳያስፖራዎች በክልሉ እየተከናወነ ባለው ዘርፈ ብዙ የኢንቬስትመንት ሥራ እንዲሳተፉ ጋብዘው፣ የክልሉ መንግሥትም ከጎናቸው እንደሚቆምና አስፈላጊውን ድጋፍ እንደሚያደርግላቸው ገልጸዋል። በመድረኩ ላይ የተሳተፉት የኢትዮጵያ ዳያስፖራ ኤጀንሲ /ዋና ዳይሬክተር አቶ መሐመድ እንድሪስም በበኩላቸው  ክልሉ ዳያስፖራውን በማሳተፍ ለሚያከናውነው ስራ ኤጀንሲው ከጎናቸው እንደሚቆም አረጋግጠዋል።

 

በተያያዘ ዜና የኤጀንሲው /ዋና ዳይሬክተር በጅግጅጋ በነበራቸው ቆይታ ከክልሉ ርዕሰ መስተዳድር አቶ መስጠፌ ሙሀመድ ጋር በጽ/ቤታቸው በመገኘት በክልሉ የዳያስፖራ ተሳትፎና በውጭ ሀገራት የሶማሌ ዳያስፖራ ማህበረሰብን በተሻለ መልኩ ማስተባበር በሚቻልበት ሁኔታ ላይ የመከሩ ሲሆን፣ ከክልሉ የዳያስፖራና ኢንቨስትመንት ቢሮ ሃላፊ እንዲሁም በመደራጀት ላይ ካለው የክልሉ የዳያስፖራ ማህበር መስራቾች ጋር ተወያይተዋል።