News

Previous Next

የኢትዮጵያ ዳያስፖራ ኤጀንሲ በዳያስፖራው ማህበረሰብና በመንግስት መካከል እንደ ድልድይ እያገለገለ መሆኑ ተገለጸ

የኢትዮጵየ ዳያስፖራ ኤጀንሲ በዳያስፖራው ማህበራሰብና በመንግስት መካከል እንደ ድልድይ ማገልገል የሚያስችሉት ልዩ ልዩ ተግባራትን በማከናወን ላይ እንደሚገኝ የኤጀንሲው ዋና ዳይሬክተር ወ/ሮ ሰላማዊት ዳዊት ‘ነጋሪ’ ከተሰኘው የኢትዮጵያ ዜና አገልግሎት ኤጀንሲ መጽሔት ጋር በነበራቸው ቆይታ ገለጹ።

በቃለ መጠይቁ ወቅት ዋና ዳይሬክተሯ ኤጀንሲው የዳያስፖራው አዎንታዊ ግፊት ውጤት መሆኑን ያነሱ ሲሆን፣ ኤጀንሲው በተቋቋመ በአጭር ጊዜ ውስጥ ያከናወናቸውን በርካታ ተግባራትም አብራርተዋል። በዋና ዳይሬክተሯ ከተጠቀሱ ዋና ዋና ተግባራት መካከልም የዳያስፖራውን ሁሉን አቀፍ ተሳትፎ የሚጎዱ ችግሮች በጥናት መለየታቸው፣ ከዳያስፖራው የሚገኝ የኢንቨስትመንት ተሳትፎን ማሳደግ እንዲቻል በክልሎችና ከተማ አስተዳደሮች ከሚገኙ የዳያስፖራ ማስተባበሪያ ጽ/ቤቶች ጋር በቅንጅት በመሰራት ላይ መሆኑ እንዲሁም ዳያስፖራው ባለበት ሀገር ሀገራዊ ተሳትፎውን እንዲያሳድግና መብቱም እንዲከበርለት ለማስቻል 36 የኢትዮጵያ ሚሲዮኖችን በመምረጥ የዳያስፖራ ዲፕሎማቶች ተመድበው እየሰሩ መሆናቸው፤ በዚህም በዳያስፖራውና በኢትዮጵያ ሚሲዮኖች መካከል ለዘመናት የቆየውን የመገፋፋት መንፈስ በማስወገድ በውጭ የሚኖሩ ዜጎቻችን ሚሲዮኖችን እንደቤታቸው እንዲያዯቸው ለማድረግ በቅንጅት እየተሰራ መሆኑን ይገኙባቸዋል።

መጽሔቱ ከዋና ዳይሬክተሯ ጋር የነበረውን ቆይታ በዘገበበት ጽሑፍ ልዩ ልዩ ሰነዶችን በማጣቀስ ያዘጋጀውን ‘በዓለም የተዘሩ የኢትዮጵያ ፍሬዎች’ የሚለውን ዘለግ ያለ ሪፖርት ለማግኘት የመስከረም 2012 ነጋሪ 4ኛ ዓመት ቁጥር 9ኝን ያንብቡ።