News

Previous Next

ዳያስፖራው ሀገሩን ለማገልገል ምንም አይነት ቅድመ ሁኔታ ማስቀመጥ እንደሌለበት ተገለጸ

ዳያስፖራው ሀገሩን ለማገልገልና የዜግት ኃላፊነቱን ለመወጣት ምንም አይነት ቅድመ ሁኔታ ማስቀመጥ እንደሌለበት የኢትዮጵያ ዳያስፖራ ኤጀንሲ ምክትል ዋና ዳይሬክተር አቶ መሐመድ እንድሪስ ለአዲስ ዘመን ጋዜጣ በሰጡት መግለጫ አመለከቱ።

ምክትል ዋና ዳይሬክተሩ ከጋዜጣው ጋር በነበራቸው ቆይታ ኤጀንሲው ከተቋቋመ ጀምሮ ዳያስፖራውን የህብረተሰብ ክፍል በማስተባበር እንደድልድይ ማገልገል በመጀመሩ በዳያስፖራውና ሀገር ወስጥ በሚገኙ ተቋማት መካከል  የዕውቀትና ክህሎት ሽግግር መፍጠር ያስቻሉ አብነቶችን ያነሱ ሲሆን፣ ዳያስፖራው ካለው ዕምቅ አቅምና ሀገሪቱ ካለባት ዘርፈ ብዙ ችግር የተነሳ ከዳያስፖራው የሚመጣን ማንኛውም አስተዋጽኦ አነሰ በዛ ሳንል እጃችንን ዘርግተን የምንቀበል መሆኑን አውስተዋል። ምክትል ዋና ዳይሬክተሩ አክለውም፣ ሀገርን የማገልገል ጉዳይ በወቅታዊ ሁኔታ ላይ ሳይሆን በሀገሪቱና በህዝቦቿ ዘላቂ ፍላጎት ላይ መመስረት እንዳለበት አብራርተዋል። የአሰራርና የዘመናዊነት ክፍተት እንዳለ በሚታወቅበት ሁኔታ ዳያስፖራው ሁሉም ነገር አልጋ በአልጋ እንዲሆንለት ከመጠበቅ ይልቅ ለሀገሩ መሻሻልና ለውጥ  ራሱን የለውጡ አካል አድርጎ መነሳት እንደሚያስፈልገውም አንስተዋል። የኤጀንሲው አንዱ ተልእኮም በዳያስፖራ ተሳትፎ የተቀላጠፈ አገልግሎት እንዲኖር ማስቻል መሆንኑንም ገልጸዋል፡፡ ሲያጠቃልሉም የትም ብንኖር ሁላችንም ኢትዮጵያውያን፤ ሀገራችንም ኢትዮጵያ መሆኗን ጠቅሰው፣ ዳያስፖራው በአጠቃላይ  በተለይም ምሁራን የዳያስፖራ አባላት ያለምንም ቅድመ ሁኔታ ሀገራቸውን ለመቀየር የሚችሉትን ሁሉ ሊያደርጉ እንደሚገባ አስገንዝበዋል።

በጉዳዩ ላይ አዲስ ዘመን ጋዜጣ ያቀረበውን ዝርዝር ዘገባ ለማግኘት የመስከረም 5 ቀን፣ 2012 ዕትምን ይመልከቱ።