News

Previous Next

ዓለም አቀፍ የትግራይ ዳያስፖራ ፌስቲቫል በመቀሌ ከተማ መከበር ጀመረ

ሁለተኛው ዓለም ዓቀፍ የትግራይ ዳያስፖራ ፌስቲቫል በመቀሌ ከተማ በመከበር ላይ ይገኛል። 

በትግራይ ክልላዊ መንግስት አዘጋጅነት በመካሄድ ላይ የሚገኘውና የክልሉ ምክትል ርዕሰ መስተዳድር ዶ/ር ደብረጺዮን ገ/ሚካኤል በተገኙበት የተከፈተው ፌስቲቫል ከሐምሌ 24-30፣ 2011ዓ/ም ድረስ እንደሚቆይ ታውቋል።

ለፌስቲቫሉ ድምቀትና ስኬታማነት የኢትዮጵያ ዳያስፖራ ኤጀንሲ ከክልሉ ዳያስፖራ ማስተባበሪያ ጽ/ቤት ጋር አብሮ የሰራ ሲሆን፣ የኤጀንሲው ምክትል ዋና ዳይሬክተር አቶ መሐመድ እንድሪስም ለፌስቲቫሉ ታዳሚዎች የእንኳን ደህና መጣችሁና የአጋርነት መልዕክት አስተላልፈዋል። 

አቶ መሐመድ አክለውም ኤጀንሲው የተሻላ የዳያስፖራ ሀገራዊ ተሳትፎን ማረጋገጥ የሚያስችሉ ተግባራትን ለማከናወን ጠንክሮ እንደሚሰራ ገልጸዋል። 

በፌስቲቫሉ ከታቀፉ መርሃ ግብሮች መካከል ከሁለት ሺህ በላይ ከመላው ዓለም የተሰባሰቡ የዳያስፖራ አባላት የተሳተፉበት  በሀገራዊና በዳያስፖራ ተሳትፎ ጉዳይ ላይ ያተኮረ

 ሲምፖዚየም፣ የ''አረንጓዴ አሻራ'' የችግኝ ተከላ፣ የኢንዱስትሪ ፓርክ እና መሰል የልማት ተቋማት ጉብኝቶች የተካሄዱ ሲሆን፣ በቀሩት ቀናትም መርሃ ግብሩ ልዩ ልዩ ሁነቶችን በማስተናገድ እንደሚቀጥል ታውቋል።

 

 የክልሉ የዳያስፖራ ፌስቲቫል ለመጀመሪያ ጊዜ በ2006ዓ/ም መከበሩ ይታወሳል።