News

Previous Next

የኦሮሚያ ዳያስፖራ ማህበር ለ2013 የትምህርት ዘመን እንዲያገለግል ሙሉ እድሳት ያደረገለትን የጎሮ መሰናዶ ትምህርት ቤት ለአዳማ ከተማ አስተዳደር እና ለክልሉ ትምህርት ቢሮ አስረከበ።
የኢትዮጵያ ዳያስፖራ ኤጀንሲ ምክትል ዋና ዳይሬክተር አቶ መሐመድ እንድሪስ በርክክቡ ወቅት እንደተናገሩት የማህበረሰብ አገልግሎት ሰጪ ተቋማትን ለማህበረሰቡ አድሶ ማቅረብ የዳያስፖራ ተሳትፎ ማሳያ ብቻ ሳይሆኑ በውጭ የሚኖሩ ኢትዮጵያዊን በሀገር ውስጥ ካለው ማህበረሰብ ጋር የሚያስተሳስሩ ጠንካራ ድልድዮችም ናቸው ብለዋል። ምክትል ዋና ዳይሬክተሩ አክለውም የኦሮሚያ ዳያስፖራ ማህበር ከዚህ ቀደም በኮቪድ መከላከል ላይ ከኤጀንሲው ጋር በመሆን ላደረገው ከፍተኛ ተሳትፎ አመስግነው፣ ማህበሩ እያከናወነ ያለዉን አርአያነት ያለው ተግባር ሌሎችም እንዲከተሉት ጥሪያቸውን አስተላልፈዋል። መልዕክታቸዉን ሲያጠቃልሉም ማህበሩ ለሚያደርጋቸው እንቅስቃሴዎች የኤጀንሲው ድጋፍ እንደሞቀጥል ገልፅው፣ የክልሉ መንግስት የሚያደርገውን ድጋፍም አጠናክሮ እንዲቀጥል ጥሪ አቅርበዋል።
በርክክብ ፕሮግራሙ የአዳማ ከተማ አስተዳደር ከንቲባ፣ የኦሮሚያ ክልል ትምህርት ቢሮ ምክትል ኃላፊ፣ የኦሮሚያ ዳያስፖራ ማህበር አመራሮችና ሌሎች የሚመለከታቸው አካላት የተገኙ ሲሆን፣ በፕሮግራሙ ማብቂያ ላይም የአረንጓዴ አሻራ የችግኝ ተከላ መርሃግብር ተካሂዷል።

 
የኢትዮጵያ ዳያስፖራ ኤጀንሲ ከአቢሲኒያ ቢዝነስ ኔትወርክ ጋር በመተባባር ያዘጋጀውንና በታላቁ የኢትዮጵያ ሕዳሴ ግድብ ላይ የሚያተኩረውን “It’s Our Dam” የሚለውን መጽሔት ሊንኩን በመጫን እንድታነቡ ተጋብዛችኋል።
You are kindly invited to read ‘’It’s Our Dam’’, a magazine focusing on the Grand Ethiopian Renaissance Dam, prepared by the collaborative effort of Ethiopian Diaspora Agency and Abyssinia Business Network.
 

እርዳታው የተበረከተው የኮቪድ-19 ቫይረስ ስርጭት ምክንያት የዕለት ኑሮያቸው ለተጎዳባቸው ኬንያውያን መሆኑን በስነ ስርዓቱ ላይ ተገልጿል። በእርዳታው ርክክብ ወቅት ንግግር ያደረጉት የደብሩ አስተዳዳሪ ቀሲስ አክሊሉ ገ/ፃዲቅ ቤተ ክርስቲያኒቷ ከተመሰረተችበት እ.ኤ.አ. 1985 ዓም ጀምሮ ባለፉት 35 ዓመታት በተከታተይ ዘርፈ ብዙ የሆነ መንፈሳዊ እና ማህበራዊ አገልግሎት ኬንያውያንን ጨምሮ ለተለያዩ የህብረተሰብ ክፍሎች ስትሰጥ መቆየቷን ገልፀው በአሁኑ ወቅት ደግሞ ዓለማአቀፍ ችግር የፈጠረውን ኮቪድ-19 ቫይረስን ለመከላከል በሚደረገው ትግል ቤተ ክርስቲያን በዚህ ወቅት ይህንን የምግብ ዓይነት እና ዘይት በማበርከት ከኬንያውያን ጎን ለመቆም ወስናለች ብለዋል።

ዋና ዳይሬክተሯ ከፋና ብሮድካስቲንግ ኮርፖሬት ጋር በነበራቸው ቆይታ ዳያስፖራው ወረርሽኙን ለመመከት እያደረገ ያለውን የዕውቅት፣ የክህሎትና የቁሳቁስ ድጋፎች ያብራሩ ሲሆን፣ በአሜሪካንና አውስትራሊያ የሚገኙ ኢትዮጵያውያንና ትውልደ ኢትዮጵያውያን ምሁራንም ቫይረሱን ከመከላከል አንጻር በየአካባቢያቸው በመከናወን ላይ ያሉ ተግባራትን አብራርተዋል፡፡

 

ዝርዝሩን ለማግኘት ሊንኩን ይጫኑ፡፡

Previous Next

በውይይቱ ወቅት ከተነሱ ሃሳቦች መካከል ከኮቪድ -19 ጋር በተያያዘ ሃገሪቱ የምትገኝበት ወቅታዊ ሁኔታ፣ በሃገር አቀፍ ደረጃ ወረርሽኙን ለመከላከል ስለሚያስፈልገው የሃብት መጠን እንዲሁም ሚሲዮኖች ሁለተኛ ዙር የሃብት አሰባሰብ ዕቅድ ነድፈው መንቀሳቀስ ስለሚችሉበት ስልት በዋነኝነት የሚጠቀሱ ናቸው፡፡

 

ከዚህም በተጨማሪ ሚሲዮኖቹ በእስካሁኑ ሂደት ያለው አፈጻጸማቸው የሚበረታታና ከዕቅድ በላይ ሃብተ ማሰባሰብ ያስቻለ መሆኑ የተወሳ ሲሆን፣ በቀጣይም ይኸው ጥረት ከዳያስፖራው፣ ሚሲዮኖቹ በሚገኙበት ሃገር ካሉ የኢትዮጵያ ወዳጅ ተቋማትና ግለሰቦች ሃብት ለማሰባሰብ ተጠናክሮ መቀጠል እንዳለበት መግባባት ላይ ተደርሷል፡፡

Previous Next

በውይይቱም ከክላስተሩ ኮቪድ -19ን ለመከላከል የሚያገለግል ሃብት የማሰባሰብ ሂደት ያለበት ሁኔታ፣ እያጋጠሙ ያሉ ችግሮችና ችግሮቹ የሚፈቱበት አግባብ በስፋት ምክክር ተደርጎባቸዋል፡፡

 

በተጨማሪ ክላስተሩ ሃብት ከማሰባሰብ አንጻር ከፍተኛ ዕምቅ አቅም ያለበት አካባቢ እንደሆነ የተወሳ ሲሆን፣ እስካሁን ያለውም አፈጻጸም በጣም አበረታች እንደሆነ ተገልጿል፡፡ በቀጣይም ሁለተኛው ዙር የሃብት አሰባሰብ ስራዎች እንዲሁም በአካባቢው ለችግር የተጋለጡ ዜጎችን የመደገፉ ተግባር ተጠናክረው መቀጠል እንዳለባቸው መግባባት ላይ ተደርሷል፡፡

Previous Next

የኢትዮጵያ ዳያስፖራ ትረስት ፈንድ የኮቪድ -19 ወረርሽኝን መከላከል የሚያስችሉ 40 ሚሊየን ብር ግምት ያላቸው የህክምና ቁሳቁሶችን ለጤና ሚኒስቴር በድጋፍ አበረከተ።

በርክክብ ስነስርዓቱ ላይ የውጭ ጉዳይ ሚኒስትር ዴኤታ ክብርት አምባሳደር ብርቱካን አያና እንዲሁም የኢትዮጵያ ዳያስፖራ ኤጀንሲ ምክትል ዋና ዳይሬክተር ክቡር አቶ መሐመድ እንድሪስ የተገኙ ሲሆን፣ በወቅቱም ክብርት ሚኒስትር ዴኤታ ንግግር አድርገዋል፡፡

በንግግራቸውም የኢትዮጵያ ዳያስፖራ ትረስት ፈንድ በኢትዮጵያ የኮሮና ቫይረስ ስርጭትን ለመከላከል የሚደረገውን ጥረት ለማገዝ በግንባር ቀደምትነት የወገን ደራሽነቱን ያስመሰከረ ተቋም መሆኑን ገልጸው፣ ትረስት ፈንዱ ከዚህ በፊት በገባው ቃል መሰረት ዛሬ ላበረከተው የቁሳቁስ ድጋፍ በሃብት አሰባሳቢ ንኡስ ኮሚቴው ስም ምስጋናቸውን አቅርበዋል፡፡ ክብርት ሚኒስትር ዴኤታዋ አያይዘውም በሀገር አቀፍ ደረጀ ለቀረበው ጥሪ በውጭ የሚኖሩ ኢትዮጵያውያን እና ትውልደ ኢትዮጵያውያን እየሰጡ ላሉት ፈጣን ምላሽ ምስጋናቸውን አቅርበዋል።

ከትረስት ፈንዱ የተለገሰውን የህክምና ቁሳቁስ የፈንዱ የቦርድ ሊቀመንበር አቶ ኢየሱስ ወርቅ ዛፉ ለኢ.ፌ.ዲ.ሪ. ጤና ሚኒስትር ክብርት ዶ/ር ሊያ ታደሰ አስረክበዋል፡፡

Previous Next

በውይይቱም በተመራማሪዎቹ ቡድን የተከናወኑ የአራት ጥናቶች ግኝቶችና ምክረ ሃሳቦች በየተራ የቀረቡ ሲሆን፣ ከተሳታፊዎችም የተለያዩ ጥያቄዎች ቀርበው ምላሽ ተሰጥቶባቸዋል።

በወቅቱም የኢትዮጵያ ሳይንስና ከፍተኛ ትምህርት ሚኒስቴር ሚኒስትር ደኤታ ፕሮፌሰር አፈወርቅ ካሡ ባስተላለፉት መልዕክት ተመራማሪዎቹ ርቀት ሳይገድባቸው የሚያደርጓቸው አስተዋፅዖዎች ለኢትዮጵያ እጅግ ከፍተኛ እንደሆኑ በመግለጽ ምሥጋናቸውን አቅርበዋል። በአውስትራሊያ የኢትዮጵያውያን ተመራማሪዎች ቡድን አስተባባሪና የውይይት መድረኩ መሪ ተባባሪ ፕሮፌሰር ዮሐንስ ክንፉም በበኩላቸው የተመራማሪዎቹ "ዕውቀታችንንና ልምዳችንን ብናሰባስብ አገራችንን ልንረዳ እንችላለን" በሚል መሰባሰብ እንደጀመሩና ከተከታታይ ስብሰባዎች በኋላም ይህንን መድረክ ለማዘጋጀት እንደበቁ፤ ለፖሊሲና ለትግበራ ግብዓት የሚሆኑ አስተዋፅዖዎችን ከማበርከት ደረጃ ላይ እንደደረሱም ተናግረዋል።

በውይይቱ ላይ በአውስትራሊያ የኢትዮጵያ ኤምባሲም ተጠባባቂ ሚሲዮን መሪን ጨምሮ ከ350 በላይ ተጋባዥ እንግዶች መታደማቸውን የዘገበው ኤስ.ቢ.ኤስ. ሬዲዮ ነው።

Previous Next

በውይይቱ ላይ በክላስተሩ የሚገኙ ሰባት የሚሲዮን መሪዎች የተሳተፉ ሲሆን፣ ኮቪድ -19ን መከላከል የሚያስችል ተጨማሪ ሃብት ስለማሰባሰብ እንዲሁም ወቅታዊውን የኮቪድ-19 ክስተት ተከትሎ በክላስተሩ የሚገኙ ዜጎች የሚገኙበትን ሁኔታ ለማሻሻል መወሰድ ባለባቸው ጉዳዮች ላይ ምክክር ከመደረጉም በላይ ቀጣይ የአሰራር አቅጣጫዎችም ተቀምጠዋል፡፡

Previous Next

250 ኢትዮጵያዊያን ዜጎች ዛሬ ሰኔ 4 ቀን 2012 ዓም ከኩዌት ወደ ኢትዮጵያ ተመልሰዋል።

 

ዜጎቻችን አዲስ አበባ ቦሌ ዓለም አቀፍ አውሮፕላን ማረፊያ ሲደርሱ ከውጭ ጉዳይ፣ ከሰራተኛና ማህበራዊ ጉዳይ ሚኒስቴር እንዲሁም ከኢትዮጵያ ዳያስፖራ ኤጀንሲ ተወካዮች ተገኝተው አቀባበል አድርገውላቸዋል።