News

Previous Next

በውጭ የሚኖሩ ኢትዮጵያውያንና ትውልድ ኢትዮጵያውያን የኮሮና ቫይረስን ለመመከት ለቀረበው ሃገራዊ ጥሪ የገንዘብና የህክምና ቁሳቁስ ድጋፍ ማድረግ ጀመሩ

የተከሰተውን ወረርሽኝ ተከትሎ በሃገር አቀፍ ደረጃ የድጋፍ አሰባሳቢ ኮሚቴ የተቋቋመ ሲሆን፣ የኢትዮጵያ ዳያስፖራ ኤጀንሲም በውጭ የሚኖሩ ኢትዮጵያውያን ቫይረሱን ለመመከት የሚያደርጉትን ድጋፍ በማስተባበር ላይ ይገኛል። ከዚህም ጋር በተያያዘ በተለያዩ ሀገራት የሚገኙ የኢፌዲሪ ሚሲዮን ዲፕሎማቶችና ባልደረቦች እንዲሁም በመላው አለም የሚገኙ ኢትዮጵያውያንና ትውልድ ኢትዮጵያውያን እንደሃገር የገጠመንን የኮቪድ-19ኝን ፈተና በጋራ ለመመከት የቀረበውን ሃገራዊ ድጋፍ የማሰባሰብ ጥሪ በመቀበል ድጋፍ በማድረግ ላይ ይገኛሉ። ኤጀንሲው በአጭር ጊዜ ውስጥ ለተደረገው ርብርብ ላቅ ያለ ምስጋናውን ማቅረብ ይወዳል።

በዚህ አጋጣሚ ኤጀንሲው ዲፕሎማቶቻችን፣ ኢትዮጵያውያንና ትውልድ ኢትዮጵያውያን በያሉበት ለሃገራቸው ከሚያደርጉት ድጋፍ ባሻገር የራሳቸውንና የቤተሰባቸውን ጤንነት እንዲጠብቁ፤ በሚኖሩባቸው ሃገራት የሚወጡ ራስን ከበሽታው የመከላከል እርምጃዎች እንዲያከብሩ እና ከሃገራችን ጋር በተያያዘ ለሚልጉት ተጨማሪ መረጃ በአቅራቢያቸው ከሚገኙ ሚሲዮኖች የሚወጡ መረጃዎችን እንዲከታተሉ ጥሪውን ያቀርባል።

Previous Next

ሕይወታቸው ካለፈው መካከል ኢትዮጵያውያን ሊኖሩ እንደሚችሉ የሚገመት ሲሆን፣ የውጭ ጉዳይ ሚኒስቴር እና በደቡብ አፍሪካ የሚገኘው የኢትዮጵያ ኤምባሲ የሞቱትን ሰዎች ማንነት እና ተያያዥ ጉዳዮችን ለማጣራት ከሞዛምቢክ ባለሥልጣናት ጋር በቅርበት በመሥራት ላይ መሆናቸው ታውቋል፡፡

 

በዚህ አጋጣሚ የኢትዮጵያ ዳያስፖራ ኤጀንሲ በተከሰተው አደጋ የተሰማውን ጥልቅ ሃዘን እየገለጸ፣ የሞቱት ነፍስ ዘላለማዊ እረፍት እንዲያገኝ ይመኛል።

Previous Next

በፋይናንስ ዘርፍ የዳያስፖራውን ተሳትፎ ለማሳደግ እንደሚሰራ የኢትዮጵያ ብሔራዊ ባንክ ገለጸ።

ይህ የተገለጸው የኢትዮጵያ ዳያስፖራ ኤጀንሲ ዋና ዳይሬክተር / ሰላማዊት ዳዊትና የኢትዮጵያ ብሔራዊ ባንክ ገዥ / ይናገር ደሴ ውይይት ባደረጉበት ወቅት ነው። ሃላፊዎቹ በውይይታቸው ወቅት ካነሷቸው ጉዳዮች መካከል ሃገሪቱ ከዳያስፖራው የምታገኘው የውጭ ምንዛሪን ማሳዳግ ስለሚቻልባቸው ሁኔታዎች፣ የዳያስፖራውን ተሳትፎ ማሳደግ የሚያችሉ አዳዲስ ዕድሎች ስለሚመቻቹበት መንገድ፣ የዳያስፖራ የምንዛሪ አካውንት አከፋፈት ላይ ያሉ ማነቆዎች ስለሚፈቱባቸው መንገዶች እንዱሁም በባንኩና በኤጀንሲው መካከል በቋሚነት በጋራ ስለሚሰራበት ሁኔታ ይገኙባቸዋል።

በፋይናንስ ዘርፍ የዳያስፖራውን ተሳትፎ ለማሳደግ የባንክ ስራ አዋጅ መሻሻሉን ከዚህ በፊት መዘገባችን የሚታወስ ሲሆን፣ የአዋጁን መሻሻል ተከትሎም በቅርቡ ዳያስፖራውን ያማከለ የአሰራር መመሪያ ወጥቷል። እነዚህን ዕድሎች በመጠቀምም ባንኮች ለዳያስፖራ አባላት አክሲዮን መሸጥ የጀመሩ ሲሆን፣ አዳዲስ የዳያስፖራ ባንኮችን ለማቋቋም አክሲዮን የመሸጥ እንቅስቃሴዎች በመከናወን ላይ መሆናቸው ይታወቃል።

Previous Next

የኢትዮጵያ ዳያስፖራ ኤጀንሲ፣ የክልልና የከተማ አስተዳደር ዳያስፖራ ማስተባበሪያ ጽ/ቤቶችና ማህበራት እንዲሁም የፌዴራል ተቋማትና ሌሎች ባለድርሻ አካላት የተሳተፉበት የምክክር መድረክ በሃዋሳ ከተማ ተካሄደ

 

በመድረኩ ላይ የተገኙት የሃዋሳ ከተማ አስተዳደር ከንቲባ ተወካይ አቶ ሰርሚሶ ሳሙኤል የእንኳን ደህና መጣችሁ መልእክት  ያስተላለፉ ሲሆን፣ ከተማዋ ሁልጊዜም የዳያስፖራ ኢንቨስተሮችን ለማስተናገድ ዝግጁ መሆኗን ገልጸዋል። የኤጀንሲው ዋና ዳይሬክተር / ሰላማዊት ዳዊትም በመክፈቻ ንግግራቸው ተሳታፊዎች መድረኩን አክብረው ከልዩ ልዩ የሃገሪቱ አካባቢዎች በመምጣታቸው ምስጋናቸውን አቅርበው በተጠናቀቀው መንፈቅ አመት ኤጀንሲው ያከናወናቸውን ዋና ዋና ስራዎች አንስተዋል። ዋና ዳይሬክተሯ አክለውም መድረኩ የባለድርሻ አካላት የዕቅድ አፈጻጸም ሪፖርት የሚቀርብበት፣ የገጠሙ ችግሮች  የሚፈቱበት ሁኔታ በጋራ  የሚለበትና ቀጣይ አቅጣጫዎች የሚቀመጡበት በመሆኑ የነቃ ተሳትፎ የሚደረግበት እንደሚሆን ያላቸውን ተስፋ በመግለጽ መድረኩን በይፋ ከፍተዋል።

በመድረኩ ባለፋት ስድስት ወራት በባለድርሻ አካላት የተከናወኑ ስራዎችና ያጋጠሙ ችግሮች ቀርበው ሰፊ ውይይት ተካሂዶባቸዋል። ከዕቅድ አፈጻጸም ሪፖርት በተጨማሪ በመድረኩ ላይ የኤጀንሲው 10 አመት ረቂቅ መሪ እቅድም የቀረበ ሲሆን፣ ተሳታፊዎች መሻሻል አለባቸው ባሏቸው ጉዳዮች ላይ አስተያየታቸውን፣ ግልጽ ባልሆኑላቸው ጉዳዮች ላይም ጥያቄዎችን አንስተው በሚመለከታቸው ሃላፊዎች ምላሾች ተሰጥቶባቸዋል።

በመጨረሻም የኤጀንሲው ዋና ዳይሬክተር መድረኩን ሲያጠቃልሉ ባስተላለፉት መልዕክት መድረኩ አፈጻጸሞችን ከመገምገም አንጻር ውጤቶች የታዩበት፣ ልዩ ልዩ የማሻሻያ ሃሳቦች የቀረቡበትና መሻሻል የታየበት መሆኑን አንስተው፣ ከመረጃ አያያዝ፣ ንጅታዊ አሰራርን አጠናክሮ ከመቀጠል እንዲሁም በክፍተትነት የተነሱ ሌሎች ጉዳዮችን ማሻሻል ኤጀንሲው ባለድርሻ አካላት ቀጣይ የቤት ስራዎች መሆናቸውን  በማመን ሊሰራ እንደሚገባ አስገንዝበዋል።

ባለድርሻ አካላቱ የመድረኩን መጠናቀቀ ተከትሎ ይርጋለም የተቀናጀ የአግሮ ኢንዱስትሪና የሃዋሳ ኢንዱስትሪ ፓር እንዲሁም በዳያስፖራ ኢንቬስተር የተቋቋመ የሶፍት ፋብሪካን ጎብኝተዋል።

Previous Next

ክቡር ... ጠቅላይ ሚኒስትር / አብይ አህመድ ከየካቲት 5-7 ቀን 2012 . በተባበሩት አረብ ኤምሬትስ ጉብኝት በማድረግ በመካከለኛው ምሥራቅ አገራት ከሚኖሩ ኢትዮጵያዊያን እና ትውልደ ኢትዮጵያዊያን ጋር በመገናኘት ውይይት ማድረጋቸው ይታወሳል፡፡

በጉብኝቱ በተለይ በተባበሩት አረብ ኤምሬትስ የሚኖሩ ዜጎቻችን ያለባቸውን ችግሮች ለማቅረብ ከተባበሩት አረብ ኤምሬትስ መንግስት ከፍተኛ ባለስልጣናት ጋር በተደረገ ውይይት ስምምነት ከተደረሰባቸው ጉዳዮች መካከል በተባበሩት አረብ ኤምሬትስ ያለመኖሪያ ፈቃድ የሚኖሩ ዜጎቻችንን ህጋዊ ለማድረግ ስምምነት ተደርሶ እየተሰራበት ይገኛል፡፡

በዚሁ መሠረት ከዛሬው ዕለት ከየካቲት 15 ቀን 2012 . ጀምሮ ለአንድ ወር የሚቆይ የዜጎች የመረጃ የማሰባሰብ ሥራ በአቡዳቢ ኤምባሲ እና በዱባይ ቆንስላ ጄኔራል /ቤት በይፋ ተጀምሯል፡፡

ይህም ዜጎች ማንነታቸውን የሚገልፅ ማስረጃዎችን በማሰባሰብ ህጋዊ መሆን የሚችሉበትን የጉዞ ሰነድ (ፓሰፖርት) እንዲዘጋጅላቸው የማድረግ እና በራሳቸው ፍላጎት ወደ አገር መመለስ ለሚፈልጉ ዜጎቻችን ፓሰፖርት የሌላቸው ወደ አገር መግቢያ የአንድ ጊዜ የጉዞ ሰነድ ሊሴ ፓሴ ይሰራላቸዋል፡፡ ይህንንም መረጃ በማሰባሰብ ከአገሩ የውጭ ጉዳይ ሚኒስቴር ጋር በጋራ የሚሰራ መሆኑን ታውቋል፡፡

በዱባይና ሰሜን ኤምሬቶች የሚኖሩ በሺዎች የሚቆጠሩ ዜጎቻችንን በተለያዩ ምክንያቶች በህገወጥ አሰሪዎችና ደላሎች አማካይነት ለህገ ወጥነት በመዳረጋቸው መብታቸውን እና ክብራቸወን ለማስጠበቅ አዳጋች ሆኖ መቆየቱ ተገልጿል፡፡

በተባበሩት አረብ ኤምሬትስ 7 ግዛቶች የሚኖሩ ዜጎቻችን ህጋዊ ሆነው መብታቸውና ክብራቸው ተጠብቆ እንዲሰሩ መንግስት እየሰራ መሆኑን በዱባይ የኢ... ቆንስላ ጄኔራል ክብርት / እየሩሳሌም አምደማርያም ገልፀዋል፡፡ ዜጎች በዱባይ ቆንስላ /ቤቱ እና አቡዳቢ በሚገኘው ኤምባሲ .. ከፌብርዋሪ 23 እስከ ማርች 22 ቀን 2020 ድረስ በመቅረብና ማንነታቸውን የሚያሳይ (ፓሰፖርት፣ ፓሰፖርት ኮፒ ..) በማቅረብ እንዲገለገሉ በመግለጽ ተጨማሪ መረጃዎችን የሚያሳውቅ መሆኑን የገለጸው በዱባይ የኢ... ቆንስላ ጄኔራል /ቤት ነው፡፡

 

Previous Next

የኢትዮጵያ ዳያስፖራ ኤጀንሲ ሁሉንም ሰራተኞቹን ባሳተፈ መልኩ በኤጀንሲው የመጀመሪያው መንፈቅ ዓመት የስራ አፈጻጸም ሪፖርት፣ ከክልልና ከተማ አስተዳደሮች በዳያስፖራ ተሳትፎ ዙሪያ በተሰባሰበ መረጃ እንዲሁም በኤጀንሲ የ10 ዓመት ረቂቅ መሪ ዕቅድ ላይ በሐዋሳ ከተማ ውይይት አካሄደ።

ውይይቱን የከፈቱት የኤጀንሲው ም/ዋና ዳይሬክተር አቶ መሐመድ እንድሪስ ባስተላለፉት መልዕክት መድረኩ የተቋሙ ባልደረቦች ባለፉት ስድስት ወራት በኤጀንሲው በተከናወኑና ወደፊት ሊከናወኑ በታቀዱ ስራዎች ላይ ውይይት በማካሄድ የጋራ ግንዛቤ ለመፍጠር መዘጋጀቱን አንስተው፣ ሁሉም  ተሳታፊዎች ለመድረኩ ስኬታማነት የበኩላቸውን ሚና እንደሚወጡ ያላቸውን እምነት ገልጸዋል። ምክትል ዋና ዳይሬክተሩ አክለውም በአንድ አመት ጊዜ ውስጥ ተቋም መገንባት፣ በዓይነትና በመጠን የጨመሩ ነባር ስራዎችን ማስቀጠል፣ አዳዲስ አሰራሮችን ማስተዋወቅና ለቀጣይ አምስትና አስር አመታት የሚያገለግል ዕቅድ ማዘጋጀት የኤጀንሲው ሰራተኞች የጋራ ስኬቶች መሆናቸውን በመግለጽ እንዲሁም በየትኛውም ደረጃ የሚገኝ የኤጀንሲው ሰራተኛ በተቋሙ ስኬት ላይ እኩል ሚና ያለው መሆኑን ተገንዝቦ በመስራት ሚናውን መወጣት እንዳለበት በማስገንዘብ ውይይቱ በይፋ መከፈቱን አብስረዋል።

በመቀጠልም የተቋሙ የስድስት ወራት የስራ አፈጻጸም ሪፖርት፣ ከክልልና ከተማ አስተዳደሮች በዳያስፖራ ተሳትፎ ዙሪያ የተሰባሰቡ መረጃዎች እንዲሁም የኤጀንሲ የ10 ዓመት ረቂቅ መሪ ዕቅድ በሚመለከታቸው የስራ ክፍሎች ቀርበዋል። ተሳታፊዎችም መሻሻል አለባቸው ባሏቸው ጉዳዮች ላይ አስተያየታቸውን ያቀረቡ ሲሆን፣ ግልጽ ባልሆኑላቸው ጉዳዮች ላይም ጥያቄዎችን አንስተው በስራ ሃላፊዎች ምላሾች ተሰጥቶባቸዋል።

በመጨረሻም የኤጀንሲው ም/ዋና ዳይሬክተር መድረኩን ሲያጠቃልሉ ባስተላለፉት መልዕክት በውይይቱ ወቅት በእጥረት የቀረቡ ቁልፍ ጉዳዮችን ከመፍታት አንጻር መከናወን ያለባቸውን ጉዳዮች በዝርዝር አቅርበዋል። የሃብት አጠቃቀምን ማሻሻል፣ ከሚሲዮን ጋር የሚኖር ግንኙነትን በአሰራር መምራት፣ የማኔጅመንት መድረክን አጠናክሮ መቀጠልና በተቋም አሰራር ላይ መሰረታዊ ለውጥ በሚያመጡ ስትራቴጂያዊ ጉዳዮች ላይ በማተኮር መስራት የሚሉት ከቀረቡ ዋና ዋና  ጉዳዮች መካከል የሚጠቀሱ ናቸው።

Previous Next

ነዋሪነታቸው በሃገረ ኔዘርላንድ የሆነው ትውልደ ኢትዮጵያዊው አቶ ሲራክ አስፋው በእጃቸው የነበረና 1.7 ሚሊዮን ብር በላይ የሚያወጣ ዘውድ ለሃገራቸው አስረከቡ።

አቶ ሲራክ በኔዘርላንድ ላለፉት 41 አመታት የኖሩ ሲሆን፣ ቅርሱ ከዛሬ 20 አመት በፊት ነበር እጃቸው የገባው። ሆኖም ለቅርሱ ደህንነት እምነት የሚጥሉበት ስርዓት ኢትዮጵያ ውስጥ የለም ብለው በማመናቸው እስካሁን ከራሳቸው ጋር አቆይተውት እንደነበር ተናግረዋል። በቤተመንግስት በተካሄደ ስነ-ስርዓት ቅርሱን ለክቡር ለጠቅላይ ሚኒስትር / ዐቢይ አህመድ ያስረከቡት ግለሰቡ፣ በወቅቱ የተሰማቸውን ስሜት ሲገልጹ፣ "ዛሬ የተሰማኝን ለመግለጽ ቃላት ያጥረኛል፤ በሕይወት እያለሁ ኢትዮጵያ ውስጥ ለውጥ መጠቶ ዘውዱን ለኢትዮጵያ አስረክባለሁ ብዬ አልሜ አላውቅም ነበር" ብለዋል። አክለውም፣ ዘውዱን ከሁለት አስርት ዓመታት በላይ በአደራና በጥንቃቄ አስቀምጠው በማስረከባቸው በጠቅላይ ሚንስትሩ "የዳያስፖራው ምሳሌ" መባላቸውን ተናግረዋል።

ከመቐለ 16 ኪሎ ሜትር በደቡብ ምሥራቅ አቅጣጫ ከሚገኘውና ረዥም ዕድሜ ካስቆጠረው ሥላሴ ጨለቆት ቤተ ክርስትያን 1979 / እንደተሰረቀ የሚታመነው ቅርሱ ለተወሰነ ጊዜ በብሔራዊ ሙዝየም ከቆየ በኋላ ወደ ባለቤቱ ጨለቆት ሥላሴ ቤተ ክርስቲያን እንደሚመለስ ከቢቢሲ ያገኘነው መረጃ ያሳያል።

Previous Next

 

በኢ... ውጭ ጉዳይ ሚንስትር ዴኤታ ክብርት አምባሳደር ብርቱካን አያኖ የተመራውና የኢትዮጵያ ዳያስፖራ ኤጀንሲ ዋና ዳይሬክተር / ሰላማዊት ዳዊትን ያካተተው ከፍተኛ የልዑካን ቡድን በባሕሬን ከሚኖሩ 350 በላይ ከሚሆኑ ኢትዮጵያውያን ጋር በዜጎች መብትና ደኅንነት መከበር እንዲሁም በአገልግሎት አሰጣጥ ረገድ እያጋጠሙ ባሉ ችግሮችና መፍትሔዎቻቸው ዙሪያ ውይይት አካሄደ።

 

ይህ ውይይት ቀደም ሲል ክቡር ጠቅላይ ሚኒስትር አብይ አህመድ በተባበሩት አረብ ኤሜሬቶች ከመካከለኛው ምሥራቅ አገራት ከተውጣጡ ኢትዮጵያውያን ጋር ውይይት ባደረጉበት ወቅት ከባህሬን ከመጡ ዜጎቻችን የተነሱትን ችግሮች በመለየት የመፍትሄ ሐሳቦችን ለመስጠት እና በባሕሬን በሚኖሩ ዜጎቻችን እና የኢ... የክብር ቆንስላ /ቤቱ መካከል አሉ የተባሉ ችግሮችን ለይቶ ለመፍታት እንዲሁም የኢትዮጵያውያኑን መብትና ጥቅም ለማስጠበቅ ከባሕሬን መንግሥት ጋር በመነጋገር የቆንስላ ጄኔራል ቤት የሚከፈትበትን ሁኔታ እንዲያመቻች ለልዑካን ቡድኑ በሰጡት መመሪያ መሠረት የተከናወነ ነው፡፡

 

ከዚህ የውይይት መድረክ ቀደም ብሎ የልዑካን ቡድኑ ከክብር ቆንስላ /ቤቱ ኃላፊና ሠራተኞች፣ ከሐይማኖት መሪዎች፣ ታዋቂ ግለሰቦች እና በደል ደርሶብናል ከሚሉ የማህበረሰቡ አባላት ጋር የተለያዩ የተናጠልና የጋራ ውይይቶችን ሲያደርግ የቆየ ሲሆን፣ በውይይቶቹ በዜጎች ላይ እያጋጠመው ያሉ ችግርች ከመለየታቸውም ባሻገር ከባህሬን መንግሥት አካላት ጋር በሚደረግ ውይይትም የሚነሱ ጉዳዮችን ከመለየታቸው በተጨማሪ ከባህሬን ከፍተኛ የመንግስት አካላት ጋር ውይይት ተደርጎባቸዋል፡፡

 

ይህንን መነሻ በማድረግም ከኢትዮጵያውያኑ የዲያስፖራ አባላት ጋር ሰፊ ውይይት የተካሄደ ሲሆን፣ በውይይቱም የክብር ቆንስላ /ቤቱ አገልግሎት አሠጣጥ በርካታ ችግሮች ያሉበት መሆኑን፣ በባሕሬን ከሚኖሩ ኢትዮጵያውያን ቁጥር ጋር ሲነጻጸር በክብር ቆንስላው የሚሰጠው አገልግሎት ተደራሽ አለመሆኑን፣ /ቤቱ በባሕሬን የሚኖሩ ዜጎቻችንን መብት፣ ጥቅምና ክብር በተሟላ መልኩ ያላስጠበቀ መሆኑን፣ ከዚህ ጋር ተያይዞም በርካታ ኢትዮጵያውያን የመብት ጥሰት የሚደርስባቸው መሆኑንና ይህንንም ለመከላከል የክብር ቆንስላው አቅም ውስን በመሆኑ በመንግሥት በኩል የቆንስላ ጄኔራል ቤት መከፈት ወሳኝና አስፈላጊ መሆኑ ተመልክቷል፡፡
በተጨማሪም በክብር ቆንስላ /ቤቱ ኃላፊና በአካባቢው ነዋሪ ዜጋችን መካከል የተነሳውን አለመግባባት ክቡር ጠቅላይ ሚኒስትር / አብይ በተባበሩት ዓረብ ኤሜሬቶች ባካሄዱት ውይይት ወቅት በእርቅ የፈቱት ቢሆንም እርቁን ወደመሬት ለማውረድና ተምሳሌታዊ ለማድረግ በዕለቱ የሐይማኖት መሪዎች፣ ታዋቂ ግለሰቦችና ሕዝቡ ባለበት አጠቃላይ የእርቀ ሰላም ኘሮግራም ተካሂዷል፡፡

 

በመጨረሻም በባሕሬን የሚኖሩ ኢትዮጵያውያን ዜጎች እርስ በእርስ የሚረዳዱበት፣ መረጃ የሚለዋወጡበትና በሀገራቸው የልማት እንቅስቃሴዎች የነቃ ተሳትፎ የሚያደርጉበት አደረጃጀት መመስረት የሚያስፈልግ በመሆኑ በባሕሬን የኢትዮጵያውያን ኮሚኒቲ ማህበር ለማቋቋም የሚያመቻቹ ከሁሉም የእምነት ተቋማት ተወካዮች፣ ከታዋቂ ግለስቦች፣ ከወጣቶችና ከሴቶች የተውጣጡ 9 ( ዘጠኝ) አባላት ያሉት አደራጅ ኮሚቴ በህዝቡ ፍላጎት መመረጡን በኩዌት የኢፌዲሪ ኤምባሲ ዘግቧል ፡፡

 

Previous Next

ተቀማጭነቱን በኖርዌይ ያደረገውና በኢትዮጵያ ዳያስፖራ ማህበረሰብ አባላት የተመሰረተው ትራንስፈር ኢትዮጵያ የተባለ ድርጅት በኢትዮጵያ ዳያስፖራ ኤጀንሲ አስተባባሪነት ከባለድርሻ አካላት ጋር የመግባቢያ ሰነድ መፈራረም የሚያስችለውን ውይይት አደረገ።

የውይይት መድረኩን የከፈቱት የኢትዮጵያ ዳያስፖራ ኤጀንሲ ምክትል ዋና ዳይሬክተር አቶ መሐመድ እንድሪስ ኤጀንሲው ዳያስፖራውን በሃገር ውስጥ ከሚገኙ አካላት ጋር የሚያገናኝ ድልድይ መሆኑን አንስተው፣ ይህ መድረክም በዚህ እሳቤ መነሻነት የተዘጋጀና ዓላማውን የሚያሳካ እንደሚሆን ያላቸውን እምነት ገልጸዋል። የትራስፈር ኢትዮጵያ መስራችና ሊቀመንበር / ተስፋዬ ሆርዶፋም በበኩላቸው ትራንስፈር ኢትዮጵያ በቅርቡ የተቋቋመና በአምስት የትኩረት መስኮች ላይ ማለትም በትምህርትና ቴክኖሎጂ፣ በጤና፣ በአካባቢ፣ በሳኒቴሽንና በአየር ንብረት፣ በበጎ ፈቃድ አገልግሎት እንዲሁም ትራስፖርት ላይ የሚሰራ ለትርፍ ያልተቋቋመ፣ ሃይማኖታዊም ሆነ ፖለቲካዊ ዓላማ የሌለው ድርጅትን መሆኑን ገልጸው፣ ድርጅታቸው በተጠቀሱት ዘርፎች ከሚንቀሳቀሱ የመንግስት ተቋማት ጋር የመግባቢያ ሰነድ በመፈራረምና አስፈላጊው ሃብት ከአባላት መዋጮና ከልዩ ልዩ ድጋፎች በማሰባሰብ በመላ ሃገሪቱ የመስራት ዕቅድ እንዳለው አብራርተዋል።

በመድረኩ ላይ የተሳተፉና የሚመለከታቸው የሚኒስትር መስሪያቤቶችን የወከሉ ሃላፊዎችም ትራንስፈር ኢትዮጵያ ይዞት ለመጣው ሃሳብ ያላቸውን አድናቆት ገልጸው፣ የመግባቢያ ሰነዱን ከመፈራረማቸው በፊት መሻሻል አለባቸው ባሏቸው ጉዳዮች ላይ ሃሳብ አቅርበዋል። በመጨረሻም በተደረገው ውይይት በሰነዱ ላይ ማሻሻያ የሚያስፈልጋቸው ክፍሎች ላይ ማስተካከያዎች ከተደረጉ በኋላ የመግባቢያ ሰነዱን ለመፈራረም ስምምነት ላይ ተደርሷል።

ከጤና፣ ከሳይንስና ከፍተኛ ትምህርት ተቋማት፣ ከሰራተኛና ማህበራዊ ጉዳይ፣ ከከተማ ልማትና ኮንስትራክሽን እንዲሁም ከትምህርት ሚኒስቴር መስሪያቤቶች የተውጣጡ ሃላፊዎች በመድረኩ ላይ ተገኝተው ነበር።

Previous Next

በኢፌዲሪ ውጭ ጉዳይ ሚንስትር ዴኤታ ክብርት አምባሳደር ብርትኳን አያኖ የተመራ ከፍተኛ የልዑካን ቡድን ከባሕሬን የውጭ ጉዳይ ሚንስትር ዴኤታ(Under Secretary) ከክብርት / ሼኻ ራና ቢንት ኢሳ አል-ኻሊፋ ጋር መጋቢት 26 ቀን 2012 . በባሕሬን ውጭ ጉዳይ ሚኒስቴር የተሳካ ውይይት አድርጓል።

በዚሁ ወቅት አምባሳደር ብርቱካን የባሕሬን መንግሥት ለልዑካን ቡድኑ አባላት ስላደረገው አቀባበልና መስተንግዶ አመስግነው፣ ክቡር ጠቅላይ ሚኒስትር /አብይ አህመድ በዱባይ እና በአቡዳቢ ከተሞች ከመካከለኛው ምስራቅ አገራት ከሚኖሩ ኢትዮጵያውያን እና ትውልደ ኢትዮጵያውያን ጋር ባካሄዱት ውይይት በተለይም ከባሕሬን ለመጡ ዜጎቻችን ቃል በገቡት መሰረት በባሕሬን ማናማ የቆንስላ ጄኔራል / ቤት የሚከፈትበትንና ውሳኔው የሚፈጸምበትን ሁኔታ የባሕሬን መንግሥት እንዲያመቻች ጠይቀዋል።

በተጨማሪም በአገሪቱ በተለያዩ ምክንያቶች የመኖሪያ ፈቃድ የሌላቸው በርካታ ዜጎቻችን የመኖሪያና የስራ ፍቃድ የሚያገኙበት ሁኔታ እንዲመቻች እንዲሁም ከባሕሬን ጋር ለመፈራረም የተጀመረው የሠራተኛ ስምሪት የመግባቢያ ሰነድ (MoU) ፈጥኖ የሚጠናቀቅበትንና የሚፈጸምበትን ሁኔታ እንዲያመቻቹ ጠይቀዋል።

ከዚሁ ጋር ተያይዘው የባህሬን መንግስት ለዜጎቻችን መብትና ክብር መጠበቅ እያደረገ ያለውን አመስግነው ይሁን እንጂ በባሕሬን ማናማ ከቅርብ ጊዜ ወዲህ ህጋዊ የመኖሪያ ፍቃድ እያላቸው የታሰሩ ዜጎቻችን ጉዳይ በትኩረት ታይቶ በአስቸኳይ መፍትሔ እንዲያገኙ ጠይቀዋል።

በተጨማሪም ክብርት አምባሳደር ብርቱካን ባባሕሬን ውስጥ ያሉ በኢትዮጵያውያን የተመሰረቱ የእምነነት ተቋማትን በተመለከተ ምንም እንኳ ዜጎች የማምለክ መብታቸውን የማይከለከሉ ቢሆንም በአገሪቱ ህግ ተመዝግበው እውቅና እንዲሰጣቸውና የተሻሉ የማምለኪያ ቦታዎች እንዲያገኙ፣ እንዲሁም በባሕሬን ያሉ ኢትዮጵያውያን ህጻናት የሚማሩበት የኮሚኒቲ ትምህርት ቤት እንዲከፈት እና የኮሚኒቲ አደረጃጀቶች እውቅና እንዲያገኙ ጠይቀዋል።

በባሕሬን በኩልም ክብርት ሚንስትር ዴኤታዋ የቀረቡ ጥያቄዎችን ትኩረት ሰጥተው ከሚመለከታቸው አካላት ጋር በመነጋገር አስፈላጊውን ሁሉ እንደሚያደርጉ ቃል የገቡ ሲሆን፣ ከአሁን በፊት በባሕሬን በኩል ከአገራችን ጋር ለዲፕሎማቲክ ማህበረሰቡ የቪዛ ማስቀረት ስምምነት ለመፈራረም የቀረበው ጥያቄ ውሳኔው እንዲፋጠንና ባሕሬንን ከኢትዮጵያ ጋር በንግድ፣ በኢንቬስትመንትና በቱሪዝም ለማስተሳሰር እንደሚፈልገልጸዋል። በባሕሬንና በኢትዮጵያ መካካል ያለውን ግንኙነት የበለጠ ማጠናከር በሚቻልባቸው መንገዶች ላይ በመወያየት የጋራ መግባባት ላይ መደረሱን ከኩዌት ኤምባሲ ያገኘነው መረጃ ያመለክታል::

Previous Next

ክቡር የኢፌዲሪ ጠቅላይ ሚንስትር / አብይ አህመድ በመካከለኛው ምስራቅ አገራት ከሚኖሩ ኢትዮጵያውያን እና ትውልደ ኢትዮጵያውያን ጋር .. ከፌብሩዋሪ 13-15 ቀን 2020 በተባበሩት ዓረብ ኤሜሬቶች ባሕሬን በሚኖሩ ዜጎቻችን ላይ እየደረሰ ነው የተባለውን ችግር አስመልክተው በሰጡት አቅጣጫ መሰረት በውጭ ጉዳይ ሚንስትር ዴኤታ በክብርት አምባሳደር ብርቱካን አያኖ የሚመራ እና ክቡር አምባሳደር አብዱልፋታህ አብዱላሂ፣ ክብርት / ሰላማዊት ዳዊት የኢትዮጵያ ዳያስፓራ ኤጀንሲ ዋና ዳይሬክተር፣ ክብርት / እየሩሳሌም አምደማርያም የዱባይ ኢፌዲሪ ቆንስላ ጀኔራል ቆንስል ጄኔራል የተካተተበት ከፍተኛ የልዑካን ቡድን በዛሬው እለት (.. ማርች 3 ቀን 202) ባህሬን ማና ገብቷል።

የልዑካን ቡድኑ አባላት ባሕሬን ሲገቡ በባሕሬን የውጭ ጉዳይ ሚኒስትር ሃላፊዎች፣ በኩዌት የኢፌዲሪ አምባሳደር ክቡር አብዱልፋታህ አብዱላሂ እና በባህሬን የኢፌዲሪ ክብር ቆንስል አማካይነት ደማቅ አቀባበል ተደርጎላቸዋል።

የልዑካን ቡድኑ በቆይታው በባሕሬን ከሚኖሩ ኢትዮጵያውያን የማህበረሰብ አባላት ጋር በጋራና በተናጠል የሚወያይ ሲሆን፣ በተጨማሪም ከባሕሬን የውጭ ጉዳይ ሚንስትር እና ከሌሎች የአገሪቱ የመንግስት አካላት ጋር በባሕሬን ያሉ ዜጎቻችን መብት፣ ጥቅምና ደህንነት በሚጠበቅበት እንዲሁም የሁለቱን አገራት የሁለትዮሽ ግንኙነት በሚያጠናክሩ የጋራ ጉዳዮች ዙሪያ ይወያያል ተብሎ ይጠበቃል::

ከዚህም ሌላ የዜጎቻችን የረዥም ጊዜ ጥያቄ የሆነው በባሕሬን የኢፌዲሪ ቆንስላ ጄኔራል /ቤት አከፋፈት ሂደት ዙሪያ ከአገሩ መንግስት ጋር በመነጋገር ስምምነት ላይ ይደረሳል ተብሎ ይጠበቃል::