በታላቁ የኢትዮጵያ ሕዳሴ ግድብና በዓባይ ወንዝ ላይ የኢትዮጵያን ብሔራዊ ጥቅም ለማስጠበቅ የሚደረገውን የፐብሊክ ዲፕሎማሲና አድቮኬሲ ስራ መደገፍ እንዲቻል የኢትዮጵያ ዳያስፖራ ኤጀንሲ ታዋቂ ግለሰቦችን፣ በውጭ የሚኖሩ ኢትዮጵያውያንና ትውልደ ኢትዮጵያውያንን ያሳተፉ ሶስት ዶክመንታሪ ፊልሞችን በአማርኛ፣ በአረብኛና በእንግሊዝኛ ቋንቋዎች ማዘጋጀቱ ይታወሳል። በሃገር ውስጥና በውጭ የሚኖሩ ታዋቂ ኢትዮጵያውያንና ትውልደ ኢትዮጵያውያንን እንዲሁም የስራ ሃላፊዎችን በማሳተፍ ለዓለም ዓቀፉ ማህበረሰብ በእንግሊዝኛ ቋንቋ መልዕክት የተላለፈበትን ዶክመንተሪ ፊልም እንዲከታተሉ ተጋብዘዋል።