ዜና

Previous Next

የኢትዮጵያ ዳያስፖራ ትረስት ፈንድ በገንዘብ የሚደግፋቸውን አምስት ፕሮጀክቶች ይፋ አደረገ

የኢትዮጵያ ዳያስፖራ ትረስት ፈንድ ለመጨረሻ ዙር ከቀረቡ 22 ፕሮጀክቶች መካከል መመዘኛውን ያሟሉትንና በገንዘብ የሚደግፋቸውን አምስት ፕሮጀክቶች ይፋ አደረገ።

የትረስት ፈንዱ የህዝብ ግንኙነት ሃላፊ / ሃና አጥናፉ ፕሮጀክቶቹ የተመረጡት ለትረስት ፈንዱ ገንዘብ ያዋጡ የዳያስፖራ አባላትን ፍላጎትና የፕሮጀክት አማካሪዎችን አስተያየት መሰረት በማድረግ መሆኑን ለአሜሪካን ድምጽ ሬዲዮ የአማርኛ ዝግጅት ክፍል ተናግረዋል። ሃላፊዋ አክለውም ፕሮጀክቶቹ በውሃ፣ ትምህርትና ጤና ላይ የሚያተኩሩ መሆናቸውን ገልጸው፣ በሁለት አመት ጊዜ ውስጥ የሚጠናቀቁና በአጠቃላይ 50 ሚሊዮን ብር የሚያወጡ መሆናቸውንም አንስተዋል። ከፕሮጀክት ባለቤቶቹ ጋር የመግባቢያ ሰነድ በመፈራረም በቅርቡ ወደ ስራ እንደሚገባ የገለጹት / ሃና፣ የፕሮጀክቶቹ አፈጻጸም እየታየ ደረጃ በደረጃ የገንዘብ ድጋፉ የሚለቀቅ መሆኑን ከመግለጻቸውም በላይ ቀሪዎቹ 17 ፕሮጀክቶችም በአማካሪ ምክር ቤቱ የታየባቸውን ጉድለት ሲያሟሉ ከፈንዱ ጋር የመግባቢያ ሰነድ በመፈራረም ወደ ስራ እንደሚገቡ አረጋግጠዋል።

በእስካሁኑ ሂደት ትረስት ፈንዱ 25 በላይ ከሚሆኑ ለጋሾች ወደ ስድስት ሚሊዮን የሚጠጋ የአሜሪካን ዶላር ማሰባሰብ መቻሉ ታውቋል።