ዜና

Previous Next

ዳያስፖራው መሰረታዊ የምግብ ምርቶችን ወደ ሃገር ውስጥ እንዲያስገባ የሚፈቅድ የአሰራር መስፈርት ወጣ

ትውልደ ኢትዮጵያውያን መሰረታዊ የምግብ ምርቶችን ወደ ሃገር ውስጥ እንዲያስገቡ የሚፈቅድ አዲስ የአሰራር መስፈርት የኢትዮጵያ ብሔራዊ ባንክ አወጣ።

መስፈርቱ ትውልደ ኢትዮጵያውያንና በባለቤትነት የሚያስተዳድሩት በሃገር ውስጥም ሆነ በውጭ ያለ የንግድ ድርጅታቸው የምግብ ዘይት፣ ስኳር፣ ስንዴና ሌሎች የምግብ ምርቶችን የራሱን የውጭ ምንዛሪ በመጠቀም ማስገባት እንደሚችል ይገልጻል። መስፈርቱ አክሎም በስራው መሰማራት የሚፈልጉ ትውልደ ኢትዮጵያውያን ባለፉት ሁለት አመታት በውጭ ሃገር በሚገኝ አካውንታቸው ሲንቀሳቀስ የነበረ 1.5 ሊዮን የአሜሪካን ዶላር ወይም ተመጣጣኝ የሆነ ዩሮ ወይም የእንግሊዝ ፓውንድ መኖሩን የሚያረጋግጥ ማስረጃ አካውንቱ ካለበት የኢትዮጵያ ኤምባሲ ወይም ቆንስላ በማምጣት እንዲሁም ከላይ የተጠቀሱትን መስፈርቶች የሚያሟላና በሃገር ውስጥ ሙሉ በሙሉ በዳያስፖራ አባላት በጋራ የተቋቋመ ኩባንያን በመጠቀም ከንግድና ኢንዱስትሪ ሚኒስቴር ፈቃድ ማውጣት እንደሚችሉ አመልክቷል።